په کابل ښار کې یوتن په اعدام محکوم شو .

دکابل ښار ددوهمې حوزې ابتدائیه محکمې یو تن دخپلې ښځې دوژنې په تور په اعدام محکوم کړ.

تورن شخص په یوه علني محکمه کې دخپلې ښځې په وژنه اعتراف وکړ او ددغې کړنې لامل یې په خپلې ښځې بدګماني بیان کړه خو اولادونو یې دپلار ادعا رد او ویې ویل چې پلار یې دروغ وایې .

سره له دی چې د تورن مدافع وکیل د محکمې دغه حکم غیر عادلانه بولي . خو کابل ښاریان د محکمې له دغې پریکړې څخه هرکلی کوي او له څارنوالی او قضایي ارګانونو غوښتنه کوي چې قانون باید دعادی خلکو تر څنګ په زورواکو هم تطبیق شي.

مجیب منیب ( ابراهیم خیل )

دیوه 13 کلن ماشوم ځان وژنه

امنیتي چارواکي وایي چې دکابل ښار د شپږمې امنیتي حوزي په سیمه کې یوه ۱۳ کلن ماشوم په ځان وژنې لاس پورې کړی .

د جنائي جرمونو پر وړاندې دمبارزی رئیس وایي چې ددغې پیښې د لا روښانه کیدو لپاره یې د نوموړي ماشوم پلار نیولی چې اوس مهال دکابل ولایت په نظارت خانه کې تر څارنې لاندې دی .

د ځان وژونکي ماشوم پلار وایي چې دی په دې پیښه کې هیڅ ملامت نه دی او له قضائي ارګانونو غوښتنه کوي تر څو دی خوشي کړي .

کارپوهان ددغه راز پیښو لاملونه د تعلیم او تربیې نه شتون ، داولادونو زیاتوالی ، په کورنیو کې تاوتریخوالی ، بیکاري ، بیوزلي او ناوړه اقتصاد په ګوته کوي . او وایي چې که چیری اولادونه له ماشوم توب څخه ښه وروزل شي په راتلونکي کې له دغه راز پیښو څخه مخنیوی کیدای شي .

مجیب منیب